خوش آمدیددعا

اِیمان کی مضبوطی کی دُعا

اَے خُداوند اگر میں کبھی ہمت ہار جاؤں تو مُجھے یاد دلانا کہ تیرے منصوبے میرے خوابوں سے بہتر ہیں۔

اگر میں کبھی بھٹک جاؤں تو مُجھے سیدھی راہ پر لانا۔

اگر میں کبھی آزمائش میں پڑ جاؤں تو مُجھے سنبھالنا۔

اگر کبھی میں حالات سے لڑتے لڑتے ٹوٹ جاؤں تو مُجھے ہمّت دینا۔

جب میں اپنے اردگرد کے ماحول سے گبھرا جاؤں تو آپ یہووؔاہ 

خُدا مُجھے تسلی دینا۔

جب کبھی میرے دشمن مُجھ سے لڑنے آئیں تو آپ میری لاٹھی بننا۔

میرے انبار خانے اپنے الہٰی خزانے سے بھر کر رکھنا تاکہ مُجھے کبھی کوئی کمی نہ ہو اور مُجھے اپنے خُداوند خُدا کے سوا کسی اور کے آگے ہاتھ نہ پھیلانا پڑے۔

مُجھے اِیمان کی مضبوطی دینا تاکہ میں کبھی بے دِل نہ ہوں۔

میں جب کبھی اندھیروں سے خوف کھاؤں تو آپ مُجھے اپنے پروں میں چُھپا لینا۔

اَے خُداوند مُجھے کبھی گرنے نہ دینا اور مُجھے اس قابل بنانا کہ میں تیرے نام سے ہر مشکل، ہر بیماری، ہر طوفان کا سامنا کر سکوں۔

اور اَے خُداوند مُجھ سے اپنے رشتے کو اتنا مضبوط کر دے کہ میرا ہر قدم، میرا ہر کام صرف تیرے نام کو جلال دینے کے لئے ہو۔

خُدا آپ کو برکت دے اور اِیمان کی مضبوطی عطا کرے۔ آمین!


Previous post

قَسم

Next post

کرونا وائرس سے متاثر مسیحی قوم کے لئے دُعا

No Comment

Leave a reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Time limit is exhausted. Please reload CAPTCHA.

This site uses Akismet to reduce spam. Learn how your comment data is processed.