Tag: مسیح میں نجات

مسیح میں نجات ہم سب حاصل کر سکتے ہیں۔ آج کی مقدس آیت کے مطابق مسیح یسوع آسمان پر اٹھائے جانے سے پہلے اپنے شاگردوں اور وہاں موجود مسیحیوں سے ہم کلام ہوئے، اور انہیں یہ اختیار دیا کہ تم قوموں کو اپنا شاگرد بناؤ، وہ قومیں جو راہ حق اور سچائی کی زندگی سے محروم ہیں انہیں باپ اور بیٹے اور روح القدس کے نام سے بپتسمہ دو، دوسری قوموں تک میرا پیغام پہنچاؤ، لوگوں کو سچائی کی تعلیم دو، مسیح یسوع کے نام سے انہیں شفا دو، اگر کوئی بدی کی راہ پر بھٹک گیا ہے تو اسے بپتسمہ دے کر ایک نئی زندگی دو، مسیح کے کلام کو زیادہ سے زیادہ تقسیم کرو تاکہ جو لوگ گمراہ ہیں وہ مسیح میں نجات حاصل کر سکیں، بپتسمہ کی صورت میں ایک نئی اور مسیحی زندگی کا آغاز کر سکیں۔ خداوند آپ سب کو برکت دے اور آپ اِسی طرح مسیح میں آگے بڑھتے جائیں۔ آمین