Tag: مسیحی زندگی

مسیحی زندگی ہماری ویب سائٹ کا ایک اہم حصہ ہے جس میں ہم آپ کے سامنے مسیحی زندگی کے مقصد کے حوالے سے  پیغام پیش کریں گے۔ "تم نے مجھے منتخب نہیں کیا بلکہ میں نے تمہارا انتخاب کیا ہے کہ تم جا کر پھل لاؤ۔ میں چاہتا ہوں کہ یہ پھل تمہاری زندگی میں قائم رہے۔ تب ہی باپ تمہیں ہر وہ چیز دے گا جو تم میرے نام سے مانگوگے”۔ کیا ہمارا دنیا میں آنے کا اصل مقصد دھن دولت اکٹھا کرنا ہے یا امن و سلامتی کا بیج بونا اور خدا کے کلام کی منادی کرنا ہے؟ ہم اس رنگ برنگی دنیا میں اتنے مصروف ہو جاتے ہیں اور ایسے کھو جاتے ہیں کہ اپنے مسیحی ہونے کا فرض اور اس دنیا میں آنے کا مقصد ہی بھول جاتے ہیں. بے شک دھن دولت ہماری ضرورت ہے لیکن ہم اس کے لالچ میں اپنے آپ کو اندھا کر لیتے ہیں اور دن بہ دن اس کی غلامی میں گرفتار ہوتے جاتے ہیں. ہمیں صرف اپنی ضرورت کے لایک نہیں بلکہ اس سے بھی زیادہ اور زیادہ سے بھی کہیں زیادہ چاہیے. اور اسی لالچ کے راستے پر بدی پیدا ہوتی ہے جو ہمیں ہمارے خدا سے دور لے جاتی ہیں۔