Tag: خداوند یسوع المسیح

خداوند یسوع المسیح ہماری ویب سائٹ کا ایک اہم حصہ ہے جس میں ہم آپ کے سامنے خداوند یسوع المسیح کی قربانی کے حوالے سے پیغام پیش کریں گے اور اِس پیغام میں بائبل کی آیت بھی شامل ہوگی۔ "کوئی تو ایک دن کو دوسرے سے افضل جانتا ہے اور کوئی سب دنوں کو برابر جانتا ہے. ہر کوئی اپنے دل میں پورا اعتقاد رکھے”۔ یسوع المسیح کی موت کو یاد کرنے کا کوئی مخصوص دن نہیں رکھا گیا. گرجا گھروں میں شکر گزاری کی دعا کر کے، خدا کی موت اور خدا کی صلیب پر جان دینے والے منظر کو یاد کر کے، خدا کی ثنا گا کر اور خدا کی صلیبی موت پر پیغام دے کراس مقدس جمعہ کو منایا جاتا ہے۔ ہم لوگ اس مقدس جمعہ کو گڈ فرائیڈے کیوں کہتے ہیں جب کہ یہودیوں اور رومیوں نے جو خداوند یسوع المسیح کے ساتھ کیا وہ بلکل بھی گڈ یا اچھا نہ تھا ہم وہ سب جو دکھ اس نے سہے انجیل مقدس میں متی کی انجیل میں دیکھ سکتے ہیں. جبکہ خداوند یسوع المسیح کی موت کے بہت اچھے نتائج سامنے آ ئے اور اسکی صلیب کی موت نے یہ ثابت کر دیا کہ وہ اپنے وعدے کے مطابق اور اپنے آسمانی باپ کی مرضی کے مطابق سب برداشت کرے گا اور اس کے ہلاک ہونے سے ہم سب زندگیاں پائیں گے شاید اسی وجہ سے ہم اس مقدس جمعہ کو گڈ فرائیڈے کہتے ہیں۔