Tag: ایسٹر

ایسٹر ہماری ویب سائٹ کا ایک اہم حصہ ہے جس میں ہم آپ کے سامنے بائبل کے حوالے سے ایسٹر کے بارے میں پیغام پہنچائیں گے۔ ایسٹر کیا ہے؟ اس سوال کو لے کر غیر قومیں بہت سی الجھنوں کا شکار ہیں. کچھ لوگ سمجھتے ہیں کے ایسٹر انڈوں پر سجاوٹ کرنے اور خوبصورت اور رنگ برنگے  پتے سجانے کے لئے ہوتا ہے، جبکہ بہت سے لوگ سمجھتے ہیں کہ یہ دن خدا کی موت پر فتح اور مردوں میں سے جی اٹھنے کا دن ہوتا ہے اور ہم اسی بات کی خوشی مناتے ہیں۔ لیکن لوگ پریشان اور الجھن میں ہیں کے ان رنگ برنگے انڈوں اور سجاوٹ  کا خدا کے جی اٹھنے سے کیا تعلق ہے۔ یہ بات سچ ہے کہ خداوند نے موت پر فتح پائی اور اسکی موت پر فتح اور زندہ آسمان پر اٹھائے جانے نے خدا کا یہ وعدہ بھی پورا کر دیا کہ جو کوئی خداوند یسوع المسیح کو اپنا نجات دہندہ قبول کرے گا خداوند ان سب کے لیے آسمان پر ابدی گھر بنائے گا۔