Tag: انجیل کی منادی

انجیل کی منادی اور انجیل مقدس کے کلام پر عمل کرنا ہم سب مسیحیوں پر فرض ہے۔ ہر انسان کا اس دنیا میں آنے کا کوئی نہ کوئی مقصد ہے، جس طرح خدا نے زمین پر اپنا اکلوتا بیٹا بھیجا جس کی زندگی کا یہ مقصد تھا کہ وہ انجیل کی سچائی اور انجیل مقدّس کا کلام دنیا کے ہر کونے تک پھیلائے تب تک جب تک کہ تمام روحیں خدا کو سجدہ نہ کریں اور خدا سے نجات حاصل نہ کر لیں. ہمارا خدا نجات دھندہ ہے. وہ کسی کی ہلاکت نہیں چاہتا، اس لئے ہمیں چاہیے کہ ہم انجیل کی منادی کو اپنی زندگی کا مقصد بنائیں کہ ہمیں دنیا میں رہ کر خدا کے حکموں پر چلنا ہے اور اس کے کلام کو ہر گھر تک پہنچانا ہے، جیسا کہ خدا کے شاگردوں نے بھی خدا کے ساتھ مل کر انجیل کی منادی کی۔ ٹھیک اسی طرح ہم سب بھی خدا کے شاگرد ہیں اور ایک اچھا شاگرد وہی ہوتا ہے جو اپنے مالک کے حکموں پر چلتا ہے. ہمیں چاہیے کہ جو مشن اس زمین پر ہمارے خداوند یسوع مسیح نے شروع کیا تھا اس کو اپنی زندگی کا مقصد بنا کر اس کو ہمیشہ ساتھ لے کر چلیں، انجیل مقدّس کے کہے ہر لفظ کے مطابق اپنی زندگی گزاریں، اور خدا کی کھوئی ہوئی بھیڑوں کو مقدّس کلام کے ذریعے اس کے پاس واپس لائیں. آمین